This is to drive Gregory Campbell barmy.

Meet the Scots Leid!

And yes, this is a language

Scots (or "Lallans" a poetic spellins for lawlands. Anis termed Inglis ) is a leid that's spak in the Scots lawlands, Northren Isles an in Northren Ireland an the Republic o Ireland (whaur it's kent as "Ullans" in offeecal circles, but by ordinar fowks as "Scotch" or "Scots"). In maist airts, it's spak alangside the Scots Gaelic an Inglis (English) leids.

Up tae the 15t century Scottis (modren form Scots) wis the name o Gaelic the Celtic leid o the auncient Scots, inbrocht fae Ireland aboot 500 AD). Thaim that uised Scots cawed Gaelic Erse (meanin Irish). The Gaelic o Scotland is nou maistlie cawed Scots Gaelic an is yit spak by some in the wastren Hielands an islands. For the maist pairt, Scots comes fae the Northumbrian kin o Anglo-Saxon (Auld Inglis), tho wi a litil influence fae Norse by the wey o the Vikings, Dutch an Laich Saxon throu troke wi, an incomers fae, the laich kintras, an Romance by the wey o kirk an legal Laitin, Anglo-Norman an syne Pairisian French acause o the Auld Alliance.

Anglian speakers wis weel staiblisht in sooth-east Scotland by the 7t century. In the 13t century Norman landawners an thair reteeners, speakin Northumbrian Middle Inglis, wis inveetit tae come an sattle by the Keeng. Scots kythed for the first time in leeterar furm in the mids o the 14t century an didna differ muckle fae ither northren Inglis byleids. The Anglian leid o Scotland growed on its ain sinsyne. By the late 15t century the sicht fowk haed o the differs wi the leid spoken faurder sooth cam tae the fore an Scots-speakin Scots stairtit tae caw thair leid Scots. Scots haes lend-wirds fae the fact that the Scots fowk haed contact wi Gaelic speakers. Thair lend-wirds is for ordinar juist for geographical an cultural thingies, sic as clan an loch. Like ony leevin leid, Scot haes cheenged a bittie ower the years, tho it haes arguably steyed closer tae its Anglo-Saxon spring-heid nor Inglis (English). Monie Scots wirds haes become pairt o Inglis (English) an aw: flit, greed, eerie, cuddle, clan, stob.

In Scotland's census o 2011, a quasten on Scots wis askit.

Nae, awa' an bile yer heid!